‘मोहर’ र ‘सिटामोल’ को बुकिङ्ग खुल्यो, कसलाई कति छ शो ?

साउन २३ गतेबाट २ नेपाली चलचित्र रिलिजको तयारीमा रहेका छन्।  ‘मोहर’ र ‘सिटामोल’ दुई चलचित्रको एडभान्स बुकिङ्ग खुलेको छ।  देशभरका मल्टिप्लेक्सहरुले दुवै चलचित्रको एडभान्स बुकिङ खुलाएको हो।  

फिल्म मेकर्स प्रा.लिको ब्यानरमा चुम्बन जङ्ग शाहीले निर्माण गरेको मोहर चलचित्रलाई  ईलाइट सिनेमा, इटहरीमा ४ शोज, बीग मुभिजमा २ शोज, क्यूएफएक्स छायामा २ शोज, आई एन आई सिनेमाज लोत्सेमा ३ शोज, आइएनआई सिनेमाज् बानेश्वरमा ३ शोज, वान सिनेमाज् नयाँ बानेश्वरमा ४ शोज, वान सिनेमाज् कालीमाटीमा २ शोज मिलेको छ ।

यस्तै, चलचित्रलाई एफक्यूब हलमा ३ शोज, क्यूएफएक्स राइजिङ मलमा १ शोज, बीएसआर मुभिज, गोंगबुमा ३ शोज, क्यूएफएक्स भक्तपुरमा २ शोज, क्यूएफएक्स ट्रेड मल पोखरामा ३ शोज, क्यूएफएक्स जलमाले २ शोज, क्यूएफएक्स सिजी मल चितवनमा २ शोज, कावासोती सिनेमाजमा ३ शोज, म्याङ्गो जनज्योती पर्सामा २ शो, क्यूएफएक्स बुटवलमा २ शोज, क्यूएफएक्स एपेक्स मल दमौलीमा २ शोज, क्यूएफएक्स विराटनगरमा एक शो, क्यूएफएक्स बिर्तामोडमा २ शोज, पाथीभरा सिने प्लाजा बिर्तामोडमा २ शोज, एसटीसी सिनेमामा २ शोज, सीडीसी सिनेमाज सुनधारामा ४ शोज मिलेको छ ।

 क्यूएफएक्स लाबिम मलमा २ शोज, क्यूएफएक्स सिभिल मलमा ३ शोज, क्यूएफएक्स दरबारमा १ शोज, क्यूएफएक्स सिटी स्वायरमा ३ शोज, क्यूएफएक्स बागेश्वरीमा २ शोज मिलेको छ । अझै थुप्रै मल्टिप्लेक्सले शोज खुलाउन बाँकी नै रहेकाले चलचित्रले सुखद शोज पाउने देखिएको छ । ओम प्रतीकको लेखन तथा निर्देशनमा तयार भएको चलचित्रमा पल शाह, नीति शाह, बेनिशा हमाल, अर्जुन जङ्ग शाही, लक्ष्मी गिरी, सारा शर्मा लगायतका कलाकारहरूको अभिनय छ । ‘मोहर’को गीतसङ्गीत र ट्रेलरले दर्शकको उच्च साथ पाइसकेका कारण पनि बक्स अफिसमा सुखद ओपनिङ गर्ने अपेक्षा गरिएको छ ।

त्यस्तै साउन २३ बाट नै रिलिज हुने चलचित्र ‘सिटामोल’को अग्रिम टिकट बुकिङ खुल्ला गरिएको छ । देशभरका अधिकांश मल्टीप्लेक्स हलले अग्रिम टिकट बुकिङ खुल्ला गरिसके पनि केही हलमा खुल्ने चरणमा छ । यो चलचित्रले अग्रिम टिकट बुकिङमा राम्रो शो पाएको हो ।

 प्रचार सामाग्रीले दर्शकमाझ बनाएको राम्रो हाइपलाई मध्ये नजर गर्दै मल्टीप्लेक्स देखि सिङ्गल स्क्रिनसम्मले ‘सिटामोल’लाई राम्रो शो उपलब्ध गराएका छन् । अग्रिम टिकट बुकिङ दर्शकको चाप देखिएको खण्डमा बिस्तारै शो थपिँदै जाने विश्वास निर्माण टिमको छ । देशकै ठुलो मल्टीप्लेकस चेन क्युएफएक्सले ‘सिटामोल’लाई काठमाडौं उपत्यकामा १५ शो र मोफसलमा १६ शो गरि देशभरका चेनमा ३१ शो दिएको हो ।

यता, देशकै दोस्रो ठुलो मल्टीप्लेक्स चेनले आइएनआइ सिनेमाजले आफ्ना ४ आउटलेटमा ११ शो, बिग मूभिजले २ शो, एफक्युब सिनेमाजले ३ शो, बिएसआर मूभिजले २ शो, वान सिनेमाजले ६ शो, सिने डी सेफले ३ शो, कीर्तिपुर सिनेप्लेक्सले २ शो उपलब्ध गराएका छन् । रञ्जना, विश्वज्योति, सिके सिनेमाज लगायत काठमाडौंसहित मोफसलमा धेरै सहरका हलमा अग्रिम टिकट बुकिङ खुल्ने चरणमा रहेकाले ‘सिटामोल’ले शुक्रवारसम्म करिब १५० बढी सोसहित प्रदर्शनमा आउने अपेक्षा निर्माण टिमको छ ।

राज बहादुर साने निर्देशित चलचित्रमामा सौगात मल्ल, बेनिशा हमाल, श्री कृष्ण निरौला, जानुका विश्वकर्मा, लोकेन्द्र लेखक, भूगोल कार्की, हिउँवाला गौतम, सुशील पोखरेल, दिनेश रेग्मी, आरआर खड्का, ज्ञानु मल्ल, पवन भट्टराई, काजल भुजेल र बाल कलाकार करण नेपाली, आराध्य राज्यलक्ष्मी डिसीको अभिनय छ । 

तुल्सी देवी फिल्म प्रालीले जुनतारा फिल्मस्को सहकार्यमा निर्माण भएको चलचित्रको कथा प्रदीप भारद्वाज र निर्देशक सानेले लेखेका हुन् । सिमोस सुनुवारको प्रस्तुति रहेको चलचित्रमा भूगोल कुमार कार्की र विकाश राज जोशी निर्माता तथा अप्सरा नेपाली, अजय मल्ल र कुमार केसी कार्यकारी निर्माता अनि गङ्गाराम श्रेष्ठ सह-निर्मातामा छन् ।