प्रचारलाई प्रभावकारी बनाउदै ‘कोशोढुङ्गा’, तीनवटा पोस्टरसहित लिरिकल कविता सार्वजनिक

चलचित्र ‘कोशोढुङ्गा’ निर्माण टिमले पब्लिसिटीलाई थप प्रभावकारी बनाउने उद्देश्यले कविता सार्वजनिक गरेको छ । निर्माण टिमले सार्वजनिक गरेको कविता वाचन चलचित्रकी मुख्य कलाकार सुरक्षा पन्तले गरेकी छन् । कवितामा प्रेम, समर्पण, विछोड, पीडा, सपना, संकल्प छ । लिरिकल भिडियोसहित सार्वजनिक कवितामा चलचित्रका केही फुटेज र स्टिल फोटो प्ले गरिएको छ । कविताले क्रमशः टुट्दै गएको सपना, सम्झौतामा बाँच्न थालेको जिन्दगी, सम्बधमा गरिने विश्वास, पर्खिएर बस्ने परिवारलाई चित्रण गरेको छ । यसले चलचित्रको कथा संकेत गरेको छ । लिरिकल भिडियोमा चलचित्रका मुख्य पात्रलाई देखिन्छ । जसले उनीहरूको चरित्र र भूमिका प्रष्ट पार्छ ।

यसैबीच, निर्माणपक्षले तीनवटा पोस्टर पनि सार्वजनिक गरेको छ । जसमा चलचित्रका मुख्य कलाकार फिचर्ड छन् । एउटा पोस्टरमा सुरक्षा पन्त, आर्यन सिक्देल, प्रवीण खतिवडा, मन्जिल कुमार, नीति शाह, ऋचा शर्मा र दिनेश काफ्ले काफ्ले छन् । अर्को पोस्टरमा प्रवीण खतिवडा, दिनेश काफ्ले र झकेन बिसी फिचर्ड छन् । अर्को पोस्टरमा सुरक्षा पन्त र मन्जिल कुमार छन् । यो पोस्टरमा सुरक्षाले भारी बोकेकी छन् । मन्जिद कसैलाई हेरिरहेका छन् । तीनवटै पोस्टरमा कलाकारहरू चरित्रको लुक्समा छन् ।

केही दिन अगाडि निर्माण प्रेमिल गीत ‘भंगेरा भगेरी’सार्वजनिक गरेको थियो । त्यसअघि ‘नत्र भने जिन्लगी व्यर्थ छ’ सार्वजनिक भएको थियो । जुन गीत अहिले टिकटकमा हिट छ । सरोज पौडेलले निर्देशन गरेको चलचित्र ‘कोशेढुङ्गा’ भदौ १२ गते रिलिज हुँदै छ । ‘पूर्ण बहादुरको सारंगी’ का निर्देशक पौडेलले निर्देशन गरेको भएकाले चलचित्र प्रतिक्षित बनेको छ । नरदेवी फिल्मसको प्रस्तुति र सारंगी फिल्मस्को सहकार्य रहेको चलचित्रमा अभिनेत्री सुरक्षा पन्त, आर्यन सिक्देल, ऋचा शर्मा, मन्जिल कुमार, नीति शाह, प्रवीण खतिवडा, सरोज खनाल, विशाल पहाडी, हिउवाला गौतम, दिनेश काफ्ले, लोकमणि सापकोटालगायतको अभिनय रहेको छ ।

प्रेविल कँडेल र किशोर अनुराग निर्माता रहेको चलचित्रको कार्यकारी निर्माता दिनेश खड्का हुन् । बाबु श्रेष्ठको छायांकन रहेको चलचित्रमा नहकुल खड्काको सम्पादन, आशिष अविरल, खेम सेन्चुरी र रिदम कँडेलको संगीत छ । चलचित्रको कास्टिङ डिरेक्टर सुवलमणि सापकोटा हुन् । नेपालसहित ४२ भन्दा धेरै देशमा एकसाथ रिलिज हुने भएको छ । ‘कोशेढुंगा’लाई प्याट्रिक सुवेदी र रमेश ढकालको सेभेन सिज इन्टरनेसनलले अन्तर्राष्ट्रिय बजारमा वितरण गर्दैछ ।