‘होस्टेल अगेन’ मा दोहोरिदै कुल व्वाई र पदम तामाङ्ग !

‘होस्टेल ३’ चलचित्रबाट डेव्यु गरेका पारस बम ठकुरी ‘कुल व्वाई’ र पदम तामाङले चर्चा पाए।  पहिलो चलचित्र नै सफल भएपछि पारस र पदमको माग नेपाली चलचित्र क्षेत्रमा चुलियो। तर दुवैले नयाँ चलचित्रमा काम गरेको खबर बाहिरिएको छैन। यही बिचमा होस्टेल ३ को निर्माण टिमले नै नयाँ चलचित्र ‘होस्टेल अगेन’ बनाउने घोषणा गरिसकेको छ। 

टीनएज ड्रामाहरूभन्दा फरक, थ्रिलर वा सस्पेन्स श्रेणीको बन्न लागेको चलचित्रलाई सशान कँडेलले निर्देशन गर्नेछन्।  सशान कँडेल, लेखक माधव शर्मा, निर्माण कम्पनीहरू सम्मान इन्टरटेन्मेन्ट र आरोन कन फिल्म्स एवम् कार्यकारी निर्माता शङ्कर कोइराला दोहोरिएका यो चलचित्रका कलाकारको नाम सार्वजनिक भएको छैन। 

तर यो चलचित्रमा होस्टेल ३ का केही कलाकार दोहोरिने सम्भावना प्रबल रहेको छ।  शीर्ष कलाकार पारस बम ठकुरी ‘कुल व्वाई’ र पदम तामाङ दुवै यो चलचित्रमा जोडिने चर्चा रहेको छ। खबर सार्वजनिक नभए पनि दुवै दोहोरिने प्रबल सम्भावना रहेको श्रोत बताउँछ।