कस्तो छ वर्षको प्रतीक्षित चलचित्र ‘जारी २’ को टिजर?

यो बर्षका लागी प्रतिक्षित मानिएको चलचित्र ‘जारी २’ को टिजर सार्वजनिक भएको छ। लिम्बु समुदायको पहिचान च्याब्रुङ बाजाको सेरोफेरोमा रहेर आफ्नो समुदायको कथा टिजरमा प्रस्तुत छ । दयाहाङ राई र मिरुना मगरको प्रेम र घर झगडाको कथा देखाइएको टिजरमा अभिनेत्री ऋचा शर्मालाई पनि देखाइएको छ।

असोज ३ गतेबाट रिलिज हुने चलचित्रले लिम्बु समुदायको कथा प्रस्तुत गरेको छ। यस अगाडी चलचित्र ‘जारी’ ले पनि सोहि समुदायको कथा प्रस्तुत गरेको थियो।

उपेन्द्र सुब्बाको लेखन तथा निर्देशनमा तयार भएको चलचित्र बाँसुरी फिल्मस् र कबड्डी फिल्मस्को व्यानरमा निर्माण भएको हो। यो चलचित्रमा दयाहाङ राई, मिरुना मगर, ऋचा शर्मा, वुद्दि तामाङ, पुष्कर गुरुङ, प्रेम सुब्बा, माओत्से गुरुङ, मानहाङ लावती, विष्णु मोक्तान, कमलमणि नेपाल, अनिल सुब्बा, रेखा लिम्बु, बेदना राई, सिर्जना निङलेखुको अभिनय छ । चलचित्रलाई रामबाबु गुरुङ, मधु मिजार र जीवन गुरुङले निर्माण गरेका हुन्।