सलोन र नम्रतालाई लिएर चलचित्र ‘स्त्री’ बन्ने

बिहीबार ऋषि पञ्चमीको अवसर पारेर काठमाडौंको कमलादीस्थित गणेशस्थान मन्दिरमा मुहूर्त पूजा गर्दै चलचित्र स्त्री’ को औपचारिक रूपमा निर्माण घोषणा गरियो ।

जीवन शाहीको लेखन तथा निर्देशनमा बन्न लागेको चलचित्रमा सलोन बस्नेत र नम्रता श्रेष्ठको मुख्य भूमिका रहनेछ । प्रमोद अग्रहरी, रिस्ता बस्नेत, बाल कलाकार दिप्सन चिलवालको पनि अभिनय चलचित्रमा रहनेछ ।

भदौ १४ गते काठमाडौंबाट छायांकन सुरू हुन लागेको चलचित्रमा बाबुल गिरीको संगीत तथा देव महर्जनको द्वन्द्व निर्देशन रहनेछ । मेला रेकर्डिङ्ग स्टुडियोको ब्यानरमा समीर राईले चलचित्रको निर्माण गर्नेछन्।