‘मोहर’ को कमाई ५ करोड माथी

अभिनेता पल शाह प्रमुख भूमिकामा रहेको चलचित्र ‘मोहर’ यतिबेला चौथो हप्तामा चलिरहेको छ। चौथो हप्तासम्म आइपुग्दा चलचित्रको ग्रस कलेक्शन ५ करोड ४२ लाख पुगेको छ। यो शनिबार बेलुकी सार्वजनिक आंकडा हो।

ओम प्रतिकको लेखन तथा निर्देशनमा निर्माण भएको चलचित्रलाई फिल्म मेकर्स प्रा.लिका लागि चुम्बन जंग शाहीले निर्माण गरेका हुन् ।चलचित्रमा पल शाह, बेनिशा हमाल, नीति शाह, अर्जुन जंग शाही, लक्ष्मी गिरी, सारा शर्मा, रवीन्द्र झा लगायतका कलाकारहरुको अभिनय छ ।

सुखद प्रतिक्रिया पाएको चलचित्रको अकुपेन्सी चौथो हप्ता पनि राम्रो रहेको छ। शनिबार पल शाह दर्शक भेट्न हल पुगेका थिए ।