उपासनाले छाडिन् मिलन चाम्सको ‘सुम्निमा’

अभिनेत्री उपासना सिंह ठकुरी बेलायतमा छिन्। उनि चलचित्र सुम्निमा’ को लागी त्यहा पुगेकी थिइन्। तर छायांकनका लागी बेलायत पुगेकी उपासनाले चलचित्र छाडेकी छिन्। निर्माण टिमसंग असमझदारी भएपछि आपसी सहमतिमा प्रोजेक्ट छाडेको बताईएको छ । कुन्साङ बोमजोम, अंकित पाख्रिन लामा र अनुप विक्रम शाही लगायतका कलाकार चलचित्रको मुख्य भूमिकामा रहेका छन्।

उपासनाले चलचित्र छाडे पनि छायांकन भने रोकिएको छैन। चलचित्रमा नयाँ अभिनेत्री भित्र्याउने तयारीमा निर्माण टिम रहेको छ। आगामी हप्ता नयाँ अभिनेत्रीले बेलायतमा सुटिङ्ग सेट ज्वाइन गर्ने बताइएको छ । मिलन चाम्सको निर्देशनमा चलचित्र तयार भैरहेको छ। तर उनले त्यो बिषयमा कुनै धारणा सार्वजनिक गरेका छैनन्। प्रेम कथामा आधारित चलचित्र गोर्खा फिल्म्स र चाम्स इन्टरटेन्मेन्टको संयुक्त लगानीमा निर्माण भैरहेको छ।