आना र समिरको ‘रमिता को पिरति’ को टिजर सार्वजनिक

अभिनेत्री आना शर्मा मुख्य भूमिकामा रहेको चलचित्र ‘रमिता को पिरति’ को अफिसियल टिजर सार्वजनिक भएको छ। आनाको जीवन यात्रा वरिपरि घुमेको टिजरमा आनालाई प्रेम, रोमाञ्च, खुशी, दुःख देखि हृदयवेदना सम्मका विभिन्न भावनात्मक अवस्थाहरूमा देखाइएको छ। आनाको साथमा टिजरमा धिरज मगर, समिर श्रेष्ठ र विनय श्रेष्ठ मुख्य रुपमा प्रस्तुत गरिएको छ। गायनमा सफल रहेका समिरको यो डेव्यु चलचित्र हो।

एक यूवतीको मनोविज्ञानलाई चलचित्रले बोलेको टीजरमा देख्न सकिन्छ । सेरो फिल्मस्को प्रस्तुतिमा तयार भएको चलचित्रको लेखन तथा निर्देशन सुदीप्ताले गरेकी छन्। महिला पात्रको कथा प्रस्तुत गरेको चलचित्र लेखन तथा निर्देशन पनि महिलाले नै गरेकी हुन्। सागर लम्सालले निर्माण गरेको चलचित्र माघ २३ गतेबाट प्रदर्शनमा आउंदैछ।