माघ ९ बाट बेनिशा हमालको ‘बिगुल’ रिलिज तय


चलचित्र ‘बिगुल’ को प्रदर्शन मिति तय भएको छ । रमेश कोइरालाको निर्देशनमा तयार भएको चलचित्रको निर्माण टिमले पहिलो झलक सार्वजनिक गर्दै माघ ९ गतेलाई प्रदर्शन मिति तय गरेको हो। सार्वजनीक तीन डिजाइनका पोस्टर मध्ये एउटामा अभिनेत्री बेनिशा हमाल गम्भीर भावमा छिन् । सोही पोस्टरमा राँको लिएका एक हुल प्रदर्शनकारी देखिन्छन । दोश्रो पोस्टरमा बेनीशा,अभिनेता नरेन खड्का र रमेश बुढाथोकी आक्रोशीत मुद्रामा छन भने अर्काे पोस्टरमा ‘बिगुल’ का सबै प्रमुख कलाकार समेटिएको छ । कल्पना पौडेलको प्रस्तुति रहेको चलचित्रमा दिनेश कोइरालाको कथा र निर्माण रहेको छ।

गत बैशाख दोश्रो साता शुभमुर्हत गरि जेठबाट छायांङकन थालिएको ‘बिगुल’ मा जुन बिषयबस्तु उठाइएको छ,सोही बिषय र माग लिएर गत भदौमा जेन्जीले देशब्यापी आन्दोलन गर्यो । जेन्जी पुस्ताले आन्दोलन गर्नुभन्दा ४ महिना अघिनै तिनै बिषय केन्द्रित भइ चलचित्र निर्माण गरिनु अचम्मको संयोग भएको निर्माण पक्षले जनाएको छ ।

म्याग्नोलिया ग्रुपको ब्यानरमा निर्माण भएको चलचित्रमा बेनिशाका साथमा नरेन खड्का,रमेश बुढाथोकी,नीर शाह,सरोज खनाल,हेमन्त बुढाथोकी,शिसिर वाङ्देल,बिनोद न्यौपाने,जेएन घिमीरे,गीता अधिकारी,मीरा पण्डित,मानश्री शर्मा लगायतका कलाकारले अभिनय गरेका छन् ।

प्रतिक्रिया दिनुहोस्