आकृति र अभिषेकको प्रेम भावमा ‘कुमारी’ को गीत

दिनेश राउत निर्देशित चलचित्र ‘कुमारी’ को दोश्रो गीत ‘तिमी बिना’ सार्वजनिक भएको छ। केहर सिंह लिम्बुको स्वर रहेको गीतमा सुमन तामाङ्गको शब्द र सुमन र केहरको संगीत रहेको छ।

प्रेमिल भावको अडियो र भिडियो तयार गीतको भिडियोमा आकृति राजभण्डारी र अबिषेक खड्का फिचर रहेका छन् । दुवैको आत्मीयता, आपसी नजिकपन र प्रेम भाव भिडियोमा प्रस्तुत गरिएको छ। यस अगाडी सार्वजनिक ‘कता छौ मेरो फूल’ गीतले सफलता प्राप्त गरिसकेको छ ।

माघ २३ गतेबाट रिलिज तयारीमा रहेको चलचित्रमा नयाँ अनुहारहरू अबिषेक खड्का र आकृति राजभण्डारी मुख्य भूमिकामा छन्। साथै घनश्याम जोशी, सुनिता श्रेष्ठ, आकाङ्क्षा कार्की, मधु खड्का, सनम श्रेष्ठ, सकु शाह, सरोज लामिछाने, मनषा शर्मालगायत कलाकारको पनि अभिनय रहेको छ।

बिनिश इन्टरटेन्मेन्ट र पिक्चर फ्रेमको सहकार्यमा बनेको यस चलचित्रका निर्माता महेन्द्र अधिकारी हुन् भने कार्यकारी निर्माता केदार भुसाल हुन्। कथा तथा स्क्रिप्ट विकास सुवेदीले लेखेका छन् भने छायाङ्कन निर्देशन सुसन प्रजापतिले गरेका छन्।