धिरज र अदितिको ‘बाबरी’ अष्ट्रेलिया रिलिज पक्का

असोज १४ गतेबाट नेपाल रिलिज तयारीमा रहेको चलचित्र ‘बाबरी’ ले अष्ट्रेलिया राइट्स बिक्रि गरेको छ। मेभन कन्सल्टिङ ग्रुपका अनिल त्वनाबासु र विक्की श्रेष्ठले चलचित्रको राइट्स किनेका हुन् । केही दिनअघि चलचित्र निर्माण कम्पनी बाबरी फिल्म्स र मवेन इन्टरटेनमेन्टबीच कागजी सम्झौता भएको हो ।

चलचित्र नेपाल प्रदर्शनको १० दिनपछी अष्ट्रेलियामा प्रदर्शन हुने तयारीमा रहेको छ। त्यस्तै, तिहारको एक सातापछि नोभेम्बर ६ मा हङकङमा चलचित्र प्रदर्शन हुने भएको छ । ‘बाबरी रङ्ग’ र ‘चुलबुल चुलबुल’ गीत दर्शक माझ निकै लोकप्रिय बनेको छ भने चलचित्रको ट्रेलरले पनि दर्शकको ध्यान खिचेको छ।

बाबरी फिल्म्सको व्यानरमा बनेको चलचित्रमा पुष्पलत्ता बुढाथोकी र गणेश बुढाथोकी निर्माताको रुपमा रहेका छन्। सुरेन्द्र पौडेल निर्देशित चलचित्रमा अदिति बुढाथोकी, धिरज मगर, धिरज नाडकर, तृप्ति नाडकर,कमलमणि नेपाल, उर्मिला बस्नेत, धुर्व कोइराला, सुनिता श्रेष्ठ लगायतका कलाकारको अभिनय रहेको छ।