‘हिजो आजका कुरा’ को ‘परदेश’ रिलिज

असोज २८ गतेबाट रिलिज तयारीमा रहेको चलचित्र ‘हिजो आजका कुरा’ को नयाँ गीत सार्वजनिक भएको छ । हर्कुलस बस्नेतको स्वर र संगीत तथा एकतारे र सकार पन्तको शब्दमा रहेको ‘परदेश’ बोलको गीत निर्माण टिमले सार्वजनिक गरेको हो । वियोगान्त भाव बोलेको गीतको भिडियोले परदेश र नेपालमा बने परिवारको कथा बोलेको छ । २०७७ मै रिलिज तयारीमा रहेको चलचित्र कोरोनाका कारण पछी सरेको थियो । निर्माण टिमले सार्वजनिक गरेको पहिलो गीत ‘माया जदौ’ ले दर्शकको राम्रो साथ बटुलेको थियो ।

हिजो आजका कुरा टेलिभिजनमा सर्वाधिक सफल सिरियल थियो । यहि नाम सापटी लिएर सन्तोष पन्तका छोरा साकार पन्तको डेव्यु निर्देशनमा चलचित्र तयार भएको हो ।
चलचित्रमा सन्तोष पन्त, रमा थपलिया, केकी अधिकारी, ऋचा शर्मा, रिमा विश्वकर्मा, दिव्य देव, जेविका कार्की लगायतका कलाकारको अभिनय रहेको छ । सन्तोष पन्त र साकार पन्त निर्माता राहेको चलचित्रमा प्रतिभा पन्त कार्यकारी निर्माताको रुपमा रहेकी छिन् ।