कमल र मेलिनाले गरे इन्गेजमेन्ट
केहि समय बाट प्रेममा रहेको सांगीतिक जोडी कमल खत्री र मेलिना मैनालीले आफ्नो सम्बन्धलाई औपचारिकता दिएका छन् । दुवैले आफ्नो सामाजिक संजालमा इन्गेजमेन्ट गरेको तस्विर सार्वजनिक गरेका छन् ।
![](https://i0.wp.com/www.mnmnepal.com/wp-content/uploads/2022/09/305810812_1070299480332235_197664225601788800_n.jpg?resize=576%2C768&quality=100&strip=all&ssl=1)
दुवैजनाले इन्गेजमेन्टको तस्विर शेयर गर्दै सामाजिक संजालमा लेखेका छन्, ‘जीवनको नयाँ अध्यायको सुरुवात तिमीसँग हुनु नै मेरो जीवनको सुखद् पक्ष हो । चाहना यति छ कि साथ तिम्रो होस् र जीवन कहिले खतम नहोस् । जीवनको उतारचढावमा सदैव एकअर्काको साथमा रहने वाचा गर्दै हामीले रीतिरिवाज अनुसार इन्गेजमेन्ट गरेका छौं ।’
![](https://i0.wp.com/www.mnmnepal.com/wp-content/uploads/2022/09/kamal-and-melina.jpg?resize=576%2C768&quality=100&strip=all&ssl=1)
कमल खत्री लामो समयबाट नेपाली संगीतमा रहेका छन्। गायन र संगीतको हिसावले उनले सयौ हिट गीत दिएका छन् । भ्वाइस अफ नेपाल बाट चर्चामा आएकी मेलिना उदयमान गायिका हुन्। कमल र मेलिनाले आफ्नो सहकार्यमा केहि हिट गीत दिएका छन्।