१९ बर्षपछी बाबु बोगटीको ‘सान्नानी’ रिमेक भर्सन

१९ बर्ष अगाडी हिट बनेको गीत ‘सान्नानी’ को रिमेक भर्सन सार्वजनिक भएको छ। बाबु बोगटीको स्वरमा रहेको गीतबाट बाबु बोगटी र नन्दिता केसी चर्चामा आएका थिए । आइतबार राजधानीमा एक कार्यक्रममाको आयोजना गरेर बाबुको आवाजमा रहेको गीत सार्वजनिक भएको हो। गीतमा ज्ञानीकुमारी बोगटीको शब्द तथा संगीत रहेको छ ।

प्रहिल कार्कीको निर्देशनमा तयार भएको गीतको भिडियोमा बाबु बोगटी, पुष्प खड्का, प्रिन्सी-प्रिज्मा खतिवडा फिचर रहेका छन्। गीतको भिडियोमा नन्दिता केसी अतिथि भूमिकामा देखिएकी छिन्। बाबु र नन्दिता ‘सान्नानी २’ मा जोडीको रुपमा देखिएका छन्। सुरेन्द्र बसेलले कोरियोग्राफी गरेको भिडियोलाई उत्तम हुमागाईले खिचेका छन्।