‘भगवत गीता’ जोडी धिरज र सुहाना !

निर्देशक झरना थापा यतिबेला आफ्नो नयाँ चलचित्र ‘भगवत गीता’ को सुटिङ्ग गरिरहेकी छिन्। जनकपुरमा चलचित्रको सुटिङ्ग धमाधम चलिरहेको छ। धिरज मगर र सुहाना थापाको जोडीलाई थापाले पहिलोपटक प्रस्तुत गरिरहेकी छिन्। सोहि चलचित्रको टीमले महाशिवरात्रीको अवसरमा केहि तस्विर सार्वजनिक गरेको छ।

सुहाना र धिरज प्रफुल्लित मुद्रामा देखिएका छन्। सुनिल कुमार थापा निर्माता रहेको चलचित्रमा विपिन कार्की मुख्य भूमिकामा रहेका छन्।

बैशाख १ लाई रिलिज मिति तय गरेको चलचित्र यो समयमा आउन असम्भव प्राय देखिएको छ। अव चलचित्र भदौमा रिलिज हुने चर्चा सुरुवार भएको छ। यधपी निर्माण टीमले यसको जानकारी भने दिएको छैन।