दर्शकले रुचाउदै पल र सनिशाको जोडी, दोश्रो गीत यस्तो बन्यो

नायक पल शाहको कमब्याक भिडियो जति चर्चामा रह्यो त्यति नै चर्चा भिडियोमा रहेकी मोडल सनिशा भट्टराईको जोडी संग रह्यो। पल र सनिशाको रिल जोडीलाई दर्शकले रुचाए। पहिलो भिडियोमा नै केमेष्ट्री रुचाइएको यो जोडीको दोश्रो भिडियो सार्वजनिक भएको छ।

ऋषि खड्का र अनु चौधरीको आवाजमा रहेको ‘आँशु बनि नखस कहिले नी’ बोलको गीतको भिडियो सार्वजनिक भएको छ। गीतमा ऋषिको शब्द र संगीत रहेको छ।

शान थापाको निर्देशनमा तयार भएको भिडियोमा पल र सनिशाको जोडीलाई दर्शकले प्रसंसा गरेका छन्। भिडियोमा राजिव समरको कोरियोग्राफी रहेको छ। अर्जुन तिवारीले खिचेको भिडियोलाई सुप्रिम पराजुलीले सम्पादन गरेका छन्। केन्द्र मोसन पिक्स्चर्सको प्रस्तुतीमा भिडियो निर्माण भएको छ।