जीवन र मायाको परिभाषा खोज्दै आकाश र पूजाको ‘सम्झना विर्सना’

पूजा शर्मा र आकाश श्रेष्ठ मुख्य भूमिकामा रहेको चलचित्र ‘सम्झना बिर्सना’ को ट्रेलर सार्वजनिक भएको छ। प्रेम, विछोड, हाँसो अनि रोदनको कथा समेटेको चलचित्रको ट्रेलरमा निर्माण टिमले आकर्षक बनाउने कोसिस गरेको छ । अदुतिया प्रधान र रेविका प्रधानको निर्माणमा तयार भएको चलचित्रलाई निमेष प्रधानले निर्देशन गरेका छन्।

चलचित्रमा निमेषको नै कथा रहेको छ। चलचित्रमा पुजा र आकाशको साथमा सुनिल थापा, छुल्ठिम गुरुङ्ग, शिशिर राणा लगायतका कलाकारको अभिनय रहेको छ। शिव ढकालले खिचेको चलचित्रलाई तारा थापाले सम्पादन गरेका छन्। कमल राई चलचित्रको कोरियोग्राफरको रुपमा रहेका छन्।