बैशाख १ मा विपिन र केकीको ‘प्रसाद २’
सुदर्शन थापा निर्देशित चलचित्र ‘प्रसाद २’ को सुटिङ्ग सकिएको छ। फ्लोअरमा गएको ३१ दिनमा निर्माण टिमले सुटिङ्ग सकेको हो। विपिन कार्की र केकी अधिकारी मुख्य भूमिकामा रहेको चलचित्र कास्कीको माछापुछ्रे गाउँपालिकामा सुटिङ्ग गरिएको छ ।
![](https://i0.wp.com/www.mnmnepal.com/wp-content/uploads/2023/01/325570220_692431792345002_6599834857192041438_n.jpg?resize=720%2C540&quality=100&strip=all&ssl=1)
सुटिङ्ग सकिएसंगै निर्माण टिमले २०८० सालको बैशाख १ गतेलाई रिलिज मिति तय गरेको छ। नयाँ बर्षको अवसर पारेर निर्माण टिमले चलचित्र रिलिज गर्ने घोषणा गरेको हो।
![](https://i0.wp.com/www.mnmnepal.com/wp-content/uploads/2023/01/325579175_558385929288695_5697124337984504693_n.jpg?resize=576%2C768&quality=100&strip=all&ssl=1)
एस.जी फिल्मस् र सुलभ थापा प्रोडक्शनको ब्यानरमा निर्माण भएको चलचित्रमा सुदर्शन बस्नेतको लगानी रहेको छ भने कार्यकारी निर्माताको रुपमा सुवास थापा रहेका छन्। चलचित्रमा विपिन र केकीको साथमा अर्पण थापा, महेश त्रिपाठी, कमलमणी नेपाल, प्रकाश घिमिरे, विशाल पहाडी लगायतको अभिनय रहेको छ। रंग पत्रकार सुशिल पौडेलको कथा रहेको चलचित्रमा राजेश श्रेष्ठको छायांकन, राजनराज सिवाकोटीको संगीत छ ।