‘फनफनी’ आर्यन अनुबन्धित, असफलताको लहर तोड्ने अवसर
नायक आर्यन अधिकारीको शरीर हेर्दा बलिउडका सिक्स प्याक अभिनेताको भन्दा कम छैन। जिममा घन्टौ समय बिताएर उनले आफ्नो शरीर आकर्षक बनेका छन् । एक्सनमा पनि उनले थोरबहुत तारिफ बटुल्दै आएका छन्। सुगठित शरीर अनि राम्रो एक्सन गरे पनि उनका चलचित्र बक्स अफिसमा सफल हुन सकेका छैनन्।
![](https://i0.wp.com/www.mnmnepal.com/wp-content/uploads/2023/06/aaryan.jpg?resize=720%2C720&quality=100&strip=all&ssl=1)
चलचित्र ‘के म तिम्रो हैन’ बाट डेव्यु गरेका आर्यन अभिनय भन्दा पनि एक्सन र सिक्स प्याक बाट चर्चित रहे । अहिलेसम्म पनि उनको अभिनयको खुलेर तारिफ गर्ने अवस्था रहेको छैन। उनले बटरफ्लाई’, ‘बाँध मायाले’ र ‘लाखे’ चलचित्रमा अभिनय गरेका छन्।
![](https://i0.wp.com/www.mnmnepal.com/wp-content/uploads/2023/06/movie-fanfani-2.jpg?resize=720%2C540&quality=100&strip=all&ssl=1)
उनै आर्यन नयाँ चलचित्रमा अनुबन्धित भएका छन्। लक्ष्मण सुनारको निर्देशनमा बन्न लागेको चलचित्र ‘फनफनी’ मा आर्यन मुख्य भूमिकामा अनुबन्धित भएका छन् । बक्स अफिसमा कमाल गर्न नसके पनि लक्ष्मण आफ्नो पहिलो निर्देशकीय चलचित्र ‘बुलाकी’ बाट नै चर्चामा रहेका छन्।
![](https://i0.wp.com/www.mnmnepal.com/wp-content/uploads/2023/06/movie-fanfani-1.jpg?resize=720%2C450&quality=100&strip=all&ssl=1)
फनफनीलाई हरि मल्ल ठकुरी र गणेश मल्ल ठकुरीले निर्माण गर्दैछन्। दुवैले यस अगाडी ‘लाखे’ चलचित्र निर्माण गरेका थिए। नेपाल र विदेशका विभिन्न स्थानमा सुटिङ्ग तयारी गरिएको चलचित्रको बजेट २ करोड बराबर आंकलन गरिएको छ। चलचित्रमा आर्यन बाहेक अन्य कलाकार टुंगो लागिसकेका छैनन्।