भारतीय सिरियलमा देखिदै तेरिया मगर
डान्स रियालिटी शो जितेर चर्चा बटुलेकी तेरिया मगर भारतिय सिरियलमा बिशेष भूमिकामा देखिएकी छिन् । ‘झलक दिखला जा-९’ र ‘डीआईडी लिटिल मास्टर-३’को उपाधि जितेर चर्चा बटुलेकी नेपाली तेरियाले भारतको सरकारी टेलिभिजन दुरदर्शनको प्रस्तुतीमा रहेको ‘स्वराज’ सिरियलमा अभिनय गरेकी हुन्।
![](https://i0.wp.com/www.mnmnepal.com/wp-content/uploads/2023/06/352562818_3644684535762106_303833524369241900_n.jpg?resize=614%2C768&quality=100&strip=all&ssl=1)
भारतको स्वतन्त्रताका लागी ब्रिटिश शासनको विरुद्धमा विद्रोह गरेकी रानी गाइदिन्ल्यूको भूमिकामा तेरिया देखिएकी छिन् । तेरियाले आफ्नो सामाजिक संजालमा आइताबारबाट प्रसारण हुने सिरियलको प्रोमो शेयर गरेकी छिन्। उनले यस्तो वीर चरित्रमा अभिनय गर्नु आफ्नो उल्लेख्य क्षण रहेको लेख्दै सामाजिक संजालमा सिरियलको प्रोमो र सुटिङ्गका तस्विर शेयर गरेकी छिन्।
नेपाली चलचित्र र म्युजिक भिडियो अभिनयका अफर तेरियालाई धेरै पुग्ने गरेका छन्। उनी पनि नेपाली मनोरन्जन क्षेत्रमा आफ्नो बलियो डेब्युको सोचमा रहेकी छिन्। नेपालको रुपन्देही घर भएकी मगर भारतको मुम्बई बस्दै आएकी छिन्।