कस्तो छ मलिका महतको ‘सतीदेवी’ लुक्स ?
रंगपत्रकार लक्ष्मण सुवेदीको निर्देशनमा तयार भएको चलचित्र ‘सतीदेवी’ को पोष्टर सार्वजनिक भएको छ। चलचित्रको फर्स्टलुक पोस्टरमा अभिनेत्री मलिका महतलाई फिचर गरिएको छ। सार्वजनिक पोस्टरमा जुत्ताको माला र कालो मोसो देलेकी मलिकालाई गाउँलेहरुले लखेटिरहेको दृश्य समावेश गरिएको छ। मलिकाले गरेका पत्रमा यो फरक किसिमको देखिएको छ। सतीदेवी अर्थात मलिकाको वरिपरि चलचित्रको कथा घुमेको बुझ्न सकिन्छ।
![](https://i0.wp.com/www.mnmnepal.com/wp-content/uploads/2023/11/SATIDEVI-malika-mahat.jpg?resize=543%2C768&quality=100&strip=all&ssl=1)
निर्देशक सुवेदीको निर्माण, लेखन र गीत रचना रहेको चलचित्रलाई श्रीदेवी सुवेदीले निर्माण गरेकी छिन्। हर्षिका वली, मञ्जिला बानियाँ, सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी लगायतको अभिनय चलचित्रमा रहेको छ । गोल्डेन स्टेट मुभी मेकर्स एलएलसी क्यालिफोर्नियासँगको सहकार्यमा दिलासा क्रियशनले संयुक्त रुपमा निर्माण गरेको चलचित्रको प्रदर्शन मिति भने तय गरिएको छैन।