के सन्तोष सेनको ‘बलिदान’ मा देखिदैछन् विराज भट्ट ?
नेपाली चलचित्र क्षेत्रमा दिल खोलेर निर्माण गर्ने निर्माताको रुपमा परिचित छन्, सन्तोष शेन। प्रेमगीतका सफल सिक्वेल निर्माण गरेका शेनको नयाँ चलचित्र ‘बलिदान’ को घोषणा भैसकेको छ। चलचित्रमा अभिनेताद्वय सौगात मल्ल र अर्पण थापा मुख्य भूमिकामा अनुबन्धित भैसकेका छन्। यहि चलचित्रमा एक्सन स्टार विराज भट्टको प्रवेश सम्भावना बढेको छ। अनाउन्समेन्ट टिजर सार्वजनिक भएदेखि नै चलचित्रमा बिराजको माग रहेको छ।
![](https://i0.wp.com/www.mnmnepal.com/wp-content/uploads/2024/01/biraj-bhatta3-1.jpg?resize=720%2C397&quality=100&strip=all&ssl=1)
दर्शकको उच्च मागको सम्बोधन चलचित्रको टीमले पुरा गर्ने सम्भावना बढेको छ । ‘जय बलिदान’ क्याप्सन सहित निर्माता सन्तोष शेन र विराज भट्टसंगको तस्विर सामाजिक संजालमा भेट्न सकिन्छ। चलचित्रका अर्का निर्माता प्रेम पुरीले उक्त फोटो सार्वजनिक गरेका हुन्। यसले पनि चलचित्रमा विराज रहने सम्भावना देखाउछ ।
माओवादी-सशस्त्र द्वन्द्वको समयताका तराई क्षेत्रमा भएको एउटा कारुणिक नरसंहार घटनामाथि निर्माण हुने चलचित्रको अफर अनमोल केसीलाई समेत पुगेको छ । अनमोलले फाइनल स्क्रिप्ट पढेपछि मात्र निर्णय दिने बताएका छन् । जे होस् यो पटक सन्तोष मल्टिस्टारर चलचित्र निर्माणको सोचमा रहेका छन्।