‘कर्मा’ मा विपिनको एक्सन, उपासनासंग जोडी बाँधियो

‘अगस्त्य’ निर्देशक सौरभ चौधरीको निर्देशनमा नयाँ चलचित्र ‘कर्मा’ निर्माण हुँदैछ। विपिन कार्कीलाई मुख्य भूमिकामा राखेर घोषणा गरिएको चलचित्रमा कार्की एक्सन अवतारमा देखिदैछन् ।

यो चलचित्र अभिनेत्रीको रुपमा उपासना सिंह ठकुरी अनुबन्धित भएकी छिन्। केहि महिना अगाडी ‘खुस्मा’ मा अभिनयको हिसाबले प्रसंसा बटुलेकी ठकुरी अहिलेकि व्यस्त अभिनेत्री हुन्। हिट चलचित्र दिन अभिनेत्रीको रुपमा चिनिएकी ठकुरी र भर्स्टयल कार्कीले पहिलोपटक स्क्रिन शेयर गर्न लागेका हुन् ।

मङ्सिर २० गतेबाट छायांकनमा जाने तयारीमा रहेको चलचित्र दाङ्ग र रुकुम जिल्लामा खिचिनेछ। चैत्र २९ गतेबाट रिलिज घोषणा गरिएको चलचित्र आर्टिस्टिक इन्टरटेनमेन्टको प्रस्तुतिमा वसन्त लम्सालको लगानीमा निर्माण हुँदैछ।