चलचित्र रिलिजपछि ‘ताण्डवम्’ को नयाँ गीत ‘बहँदा बहँदै’ सार्वजनिक

गत शुक्रबार फागुन ९ गतेबाट प्रदर्शनमा आएको चलचित्र ‘ताण्डवम्’ को नयाँ गीत ‘बहँदा बहँदै’ सार्वजनिक भएको छ । सार्वजनिक गीतमा हर्क साउदको शब्द रचना र सुशान्त गौतम संगीत तथा स्वर अनि रिकेश गुरुङको एरेञ्ज रहेको छ ।

सेन्सर झमेलाका कारण चलचित्रको कन्टेन्ट सवै हलमा शो निकाल्न समस्या भएकाले पहिलो दिन न्युन शोमा रिलिज भएको थियो । दोस्रो दिन शनिबार धेरै हलले सन्तोषजनक शो दिएका थिए । उक्त शोजहरुमा दर्शकको उपस्थिति राम्रै देखिएको थियो । निर्देशक जुनिम गहतराजले शो समयमा निकाल्न सकिएन हामीले जति शो पाएका थियौं, त्यसमा दर्शकको उपस्थिति राम्रो हुने अपेक्षा थियो ।

‘हामीले पाएको शोमा जति दर्शक आउनु भयो, सवैले चलचित्रको सस्पेन्स थ्रिलर पार्टलाई रुचाउनु भएको छ । दर्शकबाट राम्रो प्रतिक्रिया पाएकाले दर्शकको अकुपेन्सी बढ्ने अपेक्षा निर्देशक गहतराजको छ । दर्शकको राम्रो प्रतिक्रियाले आगामी दिनमा राम्रो चलचित्र निर्माण गर्ने हौसाला मिलेको छ,’ निर्देशक गहतराजले बताए ।
चलचित्रमा पुष्कर गुरुङ, प्रेम सुब्बा, जुनिम गहतराज, अंकित खड्का, सरिना मगर, अनोज पाण्डे, कमल कार्की र गोपाल कटुवालको अभिनय रहेको छ ।

सिंहदेवी प्रोडक्सनले भिजुयल आर्ट्स स्टुडियोको सहकार्यमा निर्माण भएको चलचित्रका निर्माता धनकुमारी गहतराज, सविना मगर र मनिष गौतम हुन् । चलचित्रको कथा, पटकथा तथा संवाद अनिरुद्ध आत्रेय र हुसेनले लेखेका हुन् ।