कस्तो लाग्यो ‘माग्ने राजा’ को ‘त्यो मिठो जोवन’ ?

भदौ ६ गतेबाट रिलिज तयारीमा रहेको चलचित्र ‘माग्ने राजा’ को पहिलो गीत ‘त्यो मिठो जोवन’ सार्वजनिक गरिएको छ । डान्सिङ नम्बरको उक्त गीतमा दीपक शर्माको शब्द रचना तथा संगीत रहेको छ भने रचना रिमाल र सविन सुवेदीको स्वर रहेको छ। गीतको भिडियोमा केदार घिमिरे र बर्षा शिवाकोटीको जोडीलाई देख्न सकिन्छ । कविराज गहतराजको कोरियोग्राफी रहेको भिडियोमा दुवैलाई प्रेमभावमा देखाइएको छ ।

ऋषि लामिछानेको निर्देशनमा तयार भएको चलचित्रमापुष्कर गुरुङ, शिशिर वाङ्देल, शारदा गिरी, पवित्रा साकी (मिस पबी) लगायतको अभिनय रहेको छ भने आर्यन सिग्देल विशेष भूमिकामा छन् । मुनाल घिमिरे प्रस्तुतकर्ता रहेको चलचित्रका निर्माता मधुसुदन शर्मा हुन् । आरम्भ प्रोडक्सनको ब्यानरमा चलचित्र निर्माण भएको हो।