नीताको ‘सुख दु:ख’मा विपना थापा अनुबन्ध

अभिनेत्री तथा निर्मात्री नीता ढुङ्गाना अधिकारीको निर्देशनमा बन्न लागेको चलचित्र ‘सुख दुःख’ मा विपना थापा अनुबन्धित भएकी छन्। उनलाई निर्माण टिमले बुधबार अनुबन्ध गरेको हो।

यसअघि नीता र विपनाले फिल्म ‘ह्रस्वदीर्घ’मा सहकार्य गरेका थिए। । विपनाले चलचित्रमा आफु पनि जोडिन पाउँदा खुसी लागेको बताईन्। उनले चलचित्रको कथाले नै आफुलाई मन छोएको र नीताको निर्देशनमा बन्न लागेको चलचित्रमा काम गर्न पाउदा असाध्यै उत्साहित भएको बताईन्।

नीताले यसअघि चलचित्रका लागि कलाकारका रुपमा मिथिला शर्मा,मदनकृष्ण श्रेष्ठ अनुबन्ध गरिसकेकी छन्। चलचित्रको अन्य कलाकार र प्राविधिक पक्षको बारेमा विस्तारै जानकारी दिदै जाने निर्देशक अधिकारीको भनाई छ।

आगामी फागुनबाट छायांकनमा जाने यो चलचित्रलाई चर्चित भारतिय छायांकार कवीरलाल र शाहिदलालले छायांकन गर्दैछन्। ‘नीता फिल्म्स’को ब्यानरमा बन्न लागेको यो चलचित्र आगामी वर्ष दसैंको फूलपातीबाट प्रदर्शनमा आउदैछ।