पल शाहलाई थुनामै राख्न उच्च अदालतको आदेश

नाबालिगलाई जबर्जस्ती करणी गरेको अभियोगमा रहेका अभिनेता पल शाहलाई थुनामै राखेर अनुसन्धान गर्न उच्च अदालत पोखराले आदेश जारी गरेको छ। जिल्ला अदालत तनहु र नवलपसारीले थुनामा राखेर अनुसन्धान गर्ने आदेश विरुद्ध पलले उच्च अदालतमा अपिल गरेका थिए। बिहिबार साँझ उच्च अदालतका न्यायाधिश उज्ज्वल शुक्ला र श्रीधरा कुमारी पुडासैनीको स्मयुक्त इजालसले दुवै जिल्लाका अदालतको आदेशलाई सदर गरेको हो।

नाबालिग र बाबुले पल विरुद्ध दिएको बयान बकपत्रमा बदलिसकेको अवस्थामा धेरैले पल हिरासतबाट छुट्ने आंकलन गरेका थिए। तर त्यसको विपरित उच्च अदालतले हिरासत भित्रै राखेर अनुसन्धान प्रकिया अगाडी बढाउन आदेश दिएको हो।