धिरज मगरको ‘ज्याकी: आइएम ट्वान्टी वान’, जसिता गुरुङ्ग जोडी
नायक धिरज मगर अभिनित चलचित्र ‘ज्याकी: आइएम ट्वान्टी वान’ को औपचारिक घोषणा गरिएको छ । सुटिङ्ग सम्पन्न भैसकेको चलचित्रको पहिले नाम ‘आइएम ट्वान्टी वान’ मात्र रहेको थियो। अव चलचित्रमा ‘ज्याकी’ थपिएको छ।
![](https://i0.wp.com/www.mnmnepal.com/wp-content/uploads/2023/01/dhiraj-jassita.jpg?resize=720%2C418&quality=100&strip=all&ssl=1)
बिहिबार सरस्वती पूजाको अवसर पारेर निर्माण कम्पनी आइकोर फिल्म्सको युट्युब च्यानलबाट टाइटल भिडियो सार्वजनिक गर्दै चलचित्रको घोषणा गरिएको हो । लक्षित उमेर समुहको मात्र प्रतिनिधित्व गर्ने र प्रमुख चरित्र केन्द्रित नहुने भएकाले शिर्षकमा ‘ज्याकी’ थपिएको निर्माण टिमले जानकारी दिएको छ। रेनशा राई रानाको निर्देशनमा तयार भएको चलचित्र धिरजको साथमा जसिता गुरुङ्ग र अरुण क्षेत्री मुख्य भूमिकामा रहेका छन्।
प्रभु शमशेर जबरा र प्रज्ज्वल शमशेर जबराले निर्माण गरेको चलचित्र बैशाख २१ मा रिलिज हुने चर्चामा रहेको छ । कोरोना महामारीको समयमा छायांकन गरिएको ‘ज्याकी: आइएम ट्वान्टी वान’ रेनशाको दोस्रो निर्देशकीय चलचित्र हो ।