‘जय हो’ पोष्टरमा कलाकारको यस्तो लुक्स

टेक पौरखी राईको निर्देशनमा तयार भएको चलचित्र ‘जय हो’ को नया पोष्टर रिलिज भएको छ। भदौ ८ गतेबाट रिलिज तयारीमा रहेको चलचित्रका २ पोष्टर निर्माण टिमले सार्वजनिक गरेको हो। सार्वजनिक दुई पोष्टरमा चलचित्रका मुख्य कलाकारलाई स्थान दिईएको छ। कलाकारको क्यारेक्टर लुक्समा सार्वजनिक गरिएका पोष्टरमा माओत्से गुरुङ, अर्पण थापा, केकी अधिकारी, सलोन बस्नेत र निशा अधिकारी फिचर रहेका छन्।

शोभित बस्नेतको प्रस्तुती रहेको चलचित्रलाई राज के अधिकारी र सुरज सरकारले निर्माण गरेका छन्। सम्भुजित बाँस्कोटा र सागर आलेको संगीत रहेको चलचित्रमा रामजी लामिछाने र कविराज गहतराजको कोरियोग्राफी, सौरभ लामाको छायाँकन, बनिश शाहको सम्पादन र सम्राट बस्नेतको एक्सन रहेको छ ।