भिडियोमा हेर्नुहोस् स्व. रोविन तामाङ्गको अन्तिम गीत

रकस्टार रोविन तामाङ्गको आज अन्तेष्टि गरिएको छ। बिहानै उनलाई उनका शुभचिन्तक, चलचित्रकर्मी, संगीतकर्मी र नेताले अन्तिम श्रद्धान्जली दिएका थिए। उनी रकस्टार तामाङ्गको अन्तिम गीत ‘धुवाँ’ सार्वजनिक गरिएको छ ।

सुरेश राईको शब्द तथा संगीतमा तयार भएको गीतमा राजेश पायल राईले आवाजमा साथ दिएका छन् । गीतको भिडियोमा राजेश र रोविन फिचर रहेका छन्। गीतको र्याप रोबिन स्वयंले तयार पारेका हुन् ।

निरन्जन पाण्डेको निर्देशन तथा सम्पादन रहेको भिडियोलाई सोनाम तामाङ्गले खिचेका छन्। निर्देशक पाण्डेले चलचित्रको लागी गीत तयार गरेको भए पनि रोविनको निधन पश्चात उनलाई श्रद्धान्जली दिन गीत सार्वजनिक गरेका हुन्।