नव नायकसंग रोमान्टिक जसिता, ‘हनी बनी’ रिलिज मिति तय

दिवाकर भट्टराईको निर्देशनमा तयार भएको चलचित्र ‘हनी बनी’ को फर्स्टलुक पोष्टर सार्वजनिक भएको छ । लभस्टोरी चलचित्रको पोष्टरमा अभिमन्यु तोमर र अभिनेत्री जसिता गुरुङ रोमान्टिक मुडमा देखिएका छन् । भारतीय मोडल अभिमन्युको यो पहिलो फिचर चलचित्र हो।

माघ २६ गतेलाई चलचित्रको रिलिज मिति तय गरिएको छ। अमित बस्नेत, परी राना र आरोन बस्नेत निर्माता रहेको चलचित्र एबी इन्टरनेशनलले गौतम प्रोडक्सन एण्ड भ्वाइस फिल्म्ससँग सहकार्य गरेर निर्माण गरेको हो। चलचित्रको सह-निर्माता अजित थापा र सनिस खकुरेल रहेका छन्। सूर्यमाला खनाल, सलोन बस्नेत, अजुनजंग शाही लगायतको अभिनय चलचित्रमा रहेको छ ।