‘परदेशी २’ को वर्ड अफ माउथ बलियो, दर्शक भेट्न हलहलमा कलाकार

असोज २६ गते शुक्रबारबाट रिलिज भएको चलचित्र ‘परदेशी २’ ले दर्शकको राम्रो साथ पाएको छ। रिलिजको दुई दिन शुक्रबार र शनिबार दर्शकको राम्रो साथ पाएको हो। चलचित्रले शनिवार धेरै हलमा हाउसफुल दर्शक पायो । शनिवार उपत्यकासहित देशभरका हलमा यो चलचित्र हेर्न दर्शकको चाप रह्यो । हलबाट निस्किँदै गरेका अधिकांश दर्शकले चलचित्र एकदमै मन परेको बताएका छन् । चलचित्रको ‘वर्ड अफ माउथ’ निकै बलियो मिलेको छ। शनिवार चलचित्रको व्यापार पनि शुक्रवारको भन्दा स्वाभाविक बढी भएको निर्माण पक्षले बताएको छ ।

निर्देशक नारायण रायमाझी दर्शकबाट पाएको प्रतिक्रियाले निर्माण टीमा उत्साहित रहेको बताउँछन् । शनिवार बुटवल, पोखरा, नेपालगञ्ज, चितवनसहित काठमाडौंका हल हाउसफुल भए भएको निर्देशक रायमाझीले बताएका छन्। घटस्थापनाको आइतबार विदा भएको कारणले चलचित्रको व्यापार राम्रो हुने आंकलन गरिएको छ ।

निर्देशक रायमाझी, अभिनेता प्रकाश सपूत रअभिनेत्रीद्धय केकी अधिकारी र वर्षा शिवाकोटी राजधानीका हलहलमा पुगेर दर्शकको प्रतिक्रिया लिइरहेका छन् । चलचित्रमा प्रकाश, केकी र वर्षाका साथमा प्रशान्त तामाङ, दीलिप रायमाझी, नीर शाह, देवेन्द्र बब्लु, रमा थपलिया लगायतको समेत अभिनय छ । राजेश वंशल र निर्देशक रायमाझी मिलेर यो चलचित्र बनाएका हुन् ।