‘बलिदान’ शिर्ष भूमिकामा सौगात मल्ल, भिलेनमा अर्पण थापा

सन्तोष शेनको निर्माण र निर्देशनमा तयार हुने चलचित्र ‘बलिदान’ को केन्द्रिय भूमिकामा अभिनेता सौगात मल्ल अनुबन्धित भएका छन्। आशुसेन फिल्म्सले निर्माण गर्ने चलचित्रमा निर्माण कम्पनी र सौगात बीच शनिबार सम्झौता भएको छ।

केहि दिन अगाडी चलचित्रको टिजर निर्माण टिमले सार्वजनिक गरेको थियो। चलचित्रको भिलेनको रुपमा अर्पण थापा अनुबन्धित भैसकेका छन्। अर्पण र सौगातको प्रवेशले चलचित्र दमदार बन्ने पक्का देखिएको छ । २०८१ को दशैँमा रिलिज घोषणा गरिएको चलचित्र पुस पहिलो सातादेखि छायांकन सुरु हुनेछ। सन्तोष शेनले निर्माणमा पवन बिष्टसंग सहकार्य गरेका छन् ।