दर्शकलाई सप्राईज प्याकेज बन्न सक्छ ‘दयारानी’, टिजरमा दया र दियाको प्रेम र नोकझोक
दयाहाङ राई जुन चलचित्रमा देखिन्छन्, दर्शकका लागी केहि उत्साह र कौतुहलता पक्कै प्रस्तुत गर्छन्। चाहे संवाद होस् या अभिनय अहिले कसैको बजार छ त त्यो दयाहाङ राई कै। त्यहि भएर त हेरेक महिना चलचित्र रिलिज हुँदा पनि केहि न केहि छाप छोड्न सफल हुन्छन्।
![](https://i0.wp.com/www.mnmnepal.com/wp-content/uploads/2024/01/daya-and-diya.jpg?resize=720%2C353&quality=100&strip=all&ssl=1)
माघ २६ गतेबाट रिलिज तयारीमा रहेको चलचित्र ‘दयारानी’ को टिजर निर्माण टीमले सार्वजनिक गरेको छ। चलचित्रमा दिया पुन दयाको जोडीको रुपमा देखिएकी छिन्। श्रीमान श्रीमतीको भूमिकामा देखिएका दया र दियाको स्वभाविक अभिनय र केमेष्ट्रीले दर्शकको मन पक्कै जित्नेछ।
सन्तान प्राप्ती नभएपछिको नोकझोक र उतारचढाव देखाईएको चलचित्रको टिजरले दर्शकको ध्यान खिच्नेछ। दया र दियालाई नै मुख्य रुपमा प्रस्तुत गरिएको टीजरका केहि संवाद पनि आकर्षक रहेका छन्। त्यसो त माउत्से गुरुङको लेखनको अव्बलता त छदैछ। अव उनको निर्देशकीय क्षमता जारी बाट नै देखिएको छ। यो चलचित्रमा पनि उनको नै लेखन तथा निर्देशन रहेको छ। स्वभाविक रुपमा यसले दर्शकको ध्यान खिच्नेछ। दया र दियाको साथमा चलचित्रमा विजय बराल, प्रमिसा गुरुङ, पुस्कर गुरुङ, टीकाराम घले, शिरिषा कुँवर, नयन गुरुङ, सूर्य सुनार, राजेन्द्र थापा, सीतादेवी गुरुङ र क्रिस्टी गुरुङ लगायतको अभिनय रहेको छ।