‘भाइरल गोर्खे’ मा ऋषि धमलाले दिए सौगात मल्लसंग सट

हाल छायांकनकाे क्रममा रहेकाे चलचित्र ‘भाईरल गोर्खे’ मा चर्चित पत्रकार ऋषि धमलाले सट दिएका छन् । निगम श्रेष्ठको निर्देशनमा निर्माण भइरहेकाे चलचित्र को लागि लिखित सम्झौता भएसगैं धमला सुटिङको लागि लमजुङको भुजुङमा पुगेका हुन् ।

कमेडी–ड्रामा ‘भाइरल गोर्खे’ को शीर्षमध्येको एक भूमिकामा धमलाले पत्रकारकै भुमिकामा निर्वाह गरेकाे निर्माण टिमले जानकारी गराएको छ ।

याे चलचित्र सामाजिक सञ्जालको प्रयोग र प्रभाव बढ्दै जाँदा भाईरल हुने प्रवृत्तिकाे पछिल्लो समय नियालेर बनाइएकाे छ । जसमा भाईरलका पछाडि लाग्दाको प्रभाव र असरको परिणाम चलचित्रमा देख्न पाइने निमार्ण पक्षले बताएको छ । साेही अनुसार धमलालाई यस भूमिकामा लिनुकाे कारण चलचित्रको कथा अनुसार नै उनैलाई लिनु परेको निर्देशक निगम श्रेष्ठले बताएा छन् । चलचित्रमा ऋषि धमलाका अलवा सौगात मल्ल, सृष्टि श्रेष्ठ, बुद्धि तामाङ र लक्ष्मी गिरी मुख्य भूमिकामा रहनेछन् ।द जिएमआई एकेडेमी र निर्भाना फिल्म स्कुलको व्यानरमा निर्माण हुने चलचित्रमा विशाल ताम्राकार र महेश लामिछानेको लगानी रहेकाे छ ।