जेठ १३ मा काजीको जन्ती, तर के बमकाजी बनेका हुन् प्रेममा भिलेन?

पहिलो भागबाट नै विवाहको अनेक अड्चन खेप्दै आएका काजीका लागी ‘कबड्डी ४’ पनि उति सहज नहुने ट्रेलरबाट देखिएको छ । यो पटक पनि ट्रेलर हेर्दा काजी, बमकाजी र मास्टरनी भान्जीको आसपासमा चलचित्रको कथा घुमेको देखाइएको छ। यो पटक फाइनल म्याच भनिएको कारण पनि दशकबाट काजीको जन्त हिड्न खोजेका दर्शकका लागी निकै प्रतिक्षित रहेको छ चलचित्र। काजी दयाहाँङ राई र बमकाजी सौगात मल्ल मध्ये मास्टरनी भान्जी मिरुना मगरसंग कसको विवाह हुने हो त्यो जेठ १३ गते थाह हुनेछ।

सर्वाधिक सफल सिक्वेलमा रामबाबु गुरुङ्गको निर्देशन रहेको छ। रामबाबु र उपेन्द्र सुव्वाले लेखेको कथा र संवाद निकै मौलिक रहेका छन्। चलचित्र क्षेत्रका लागी निकै अपेक्षित रहेको चलचित्रलाई विशाल गुरुङ, एलजी, सुष्मा गुरुङ, मधु मिजार, मणिराम पोखरेल र ओमचन्द रौनियारले संयुक्त रुपमा निर्माण गरेका छन्। चलचित्रमा गौमाया गुरुङ्ग, बुद्धि तामाङ्ग, विजय बराल, कमलमणी नेपाल, पुस्कर गुरुङ्ग, माउत्से गुरुङ्ग लगायतका कलाकारको अभिनय रहेको छ।