राजु लामा र करण राईको ‘धन्यवाद’

गायक राजु लामा र द भ्वाईस अफ नेपाल सिजन ४ बिजेता करण राईको ‘धन्यवाद’ गीत सार्वजनिक भएको छ । भ्वाईस अफ नेपाल सिजन ४ विजेता बनाउन सपोर्ट गर्ने फ्यानहरुका लागी समर्पित गीतमा कोच राजु र बिजेता करणको स्वरमा रहेको छ ।

राजुकै शब्द तथा संगीत रहेको गीतमा देबेश राईको एरेञ्ज तथा मिक्सिङ रहेको छ । यो गीत करण राई युट्युव च्यानल मार्फत सार्वजनिक गरिएको छ ।

‘धन्यवाद’ गीतको भिडियोमा राजु र करण नै फिचर्ड छन् । गीतको शब्दहरुमा दर्शकको माया खेर जान नदिने वाचा राजु र करणले गरेका छन् । यस भिडियोमा ईशक जाबेगुको निर्देशनसंगै सिनेमाटोग्राफी रहेको छ भने सम्पादन तथा कलर सुप्रिम पराजुलीको रहेको छ ।