‘हात्तीछाप’ हेरेपछि निश्चल र स्वस्तिमाले के भने ?
निर्देशक निश्चल बस्नेत चलचित्र निर्देशनको मामिलामा अलिक सजक छन्। एक चलचित्र निर्देशनका लागि बर्षौ खर्चिने गर्दछन्। त्यसको उदाहरण हो दिमाग खराब निर्देशनमा उनले लगाएको ७ बर्ष। सोहि कारण पनि उनि चलचित्र हेर्दा र प्रतिक्रिया दिँदा अलिक बढी क्रिटिकल हुने गर्दछन्। यहि कुरा चलचित्र ‘हात्तीछाप’ मा पनि देखियो। प्रिमियरको उपस्थित हुन् नसकेका निश्चल र अभिनेत्री स्वस्तिमा खड्काले शनिबार चलचित्र ‘हात्तीछाप’ हेरेका थिए।
![](https://i0.wp.com/www.mnmnepal.com/wp-content/uploads/2024/02/nischal-and-swastima.jpg?resize=720%2C502&quality=100&strip=all&ssl=1)
उनले चलचित्र मनोरन्जनात्मक बनेको प्रतिक्रिया दिए। उनले चलचित्र अझै राम्रो बन्न सक्ने प्रतिक्रिया समेत दिएका छन्। निश्चल भन्छन्, ‘हात्तीछाप’लाई मनोरञ्जनात्मक फिल्म भनेका छन् । उनले भने–‘मलाई फिल्म ठिकै लाग्यो । अझै राम्रो हुन सक्थ्यो भन्ने लागेको छ । तर, फिल्म निकै रमाइलो छ । हेर्दा ठाउँ ठाउँमा हसाँइरहेको थियो ।’ अभिनेत्री खड्काले भने दयाहाङ राई र सौगात मल्लको काम गर्ने तरिका फरक फरक रहेको र आफु सधै प्रसंशक रहेको बताईन्। किरण नेपालको प्रस्तुतीमा सिमोस सुनुवारको निर्देशनमा तयार भएको चलचित्र देशभर प्रदर्शन भैरहेको छ ।