धिरज र मिरुनाको चलचित्र ‘मैझारो’ को छायांकन अन्तिम चरणमा

नायक धिरज मगर र नायिका मिरुना मगरले दोश्रो पटक सहकार्य गरेको चलचित्र ‘मैझारो’ को छायांकन अन्तिम चरणमा पुगेको छ। विल्सन विक्रम राइको डेव्यु निर्देशनमा तयार भैरहेको चलचित्रको साउनको पहिलो सातादेखि इलामबाट छायांकन हुँदैछ। चलचित्रको छायांकन इलामका देउमाई नगरपालिका, पानीटार, जितपुर, साखेजुङ हुँदै पाँचथरका रमणीय स्थलहरूमा गरिएको छ।

निर्देशक राईका अनुसार दर्शकले यो चलचित्रबाट फरक स्वाद र अनुभूति पाउनेछन् । पूर्वी पहाडका प्राकृतिक सौन्दर्य र मानवीय सम्बन्धको आत्मीयतालाई उजागर गर्ने लक्ष्यसहित चलचित्र निर्माण भइरहेको छ । चलचित्रको कथा र पटकथा पनि निर्देशक राईले लेखेका हुन् ।

चलचित्रमा धिरज मगर, मिरुना मगर, दिया पुन, बुद्धि तामाङ, सुनिल थापा, पुस्कर गुरुङ, अभय राज बराल, माउत्से गुरुङ, कविता आले, रजनी गुरुङ, प्रेम सुब्बा, उदय सुब्बा, अनिल सुब्बा, भूपेन्द्र लिङदेन र विशाल लिम्बु लगायतका कलाकारको अभिनय समावेश छ। ‘तक्मे प्रोडक्सन’को ब्यानरमा चलचित्र निर्माण भइरहेको छ।