मध्यपूर्वका देशमा बिक्यो ‘मिरमिरे’ को प्रदर्शन अधिकार

चलचित्र ‘मिरमिरे’ को अन्तराष्ट्रिय वितरण अधिकार बिक्री सुरु भएको छ । मध्यपूर्व र केही एसियाली मुलुकमा चलचित्रको प्रदर्शन अधिकारि बिक्रि भएको हो। आशिष इन्टरटेन्मेन्टले युएई, कतार, बहराइन, इजरायल र मलेसियाको प्रदर्शन अधिकार बिक्री खरिद गरेको हो।

यम शेर्पाको निर्देशनमा तयार भएको चलचित्रमा दयाहाङ राई, प्रकाश सपुत, सिर्जना निङलेखु मुख्य भूमिकामा रहेका छन्। माघ १ गतेबाट प्रदर्शनमा आउने चलचित्रमा माओत्से गुरुङ, छुल्ठिम गुरुङ, भोलाराज सापकोटा, शाइसा गौचन, दिविशा पन्त, चिराग श्रेष्ठ र नमनराज गजुरेलको पनि अभिनय रहेको छ ।

यार्सा फिल्म्सको प्रस्तुति रहेको चलचित्रमा निमु शेर्पा, छोङ्बा लामा शेर्पा र आङ्छिरिङ शेर्पा निर्माता रहेका छन् भने सह-निर्मातामा गोविन्द बोहरा, सुदीप कुवँर छन् । चलचित्रका कार्यकारी निर्मातामा आरआर फिल्मसका सञ्चालक समेत रहेका वितरक रोहित कट्टेल छन् ।