के रेखा र पूजा चलचित्रमा साथ देखिदैछन् ?
अभिनेत्री रेखा थापा र पूजा शर्मा एकै चलचित्रमा देखिने भएका छन् । रेखा नेपाली चलचित्र क्षेत्रकी सर्वाधिक सफल अभिनेत्री हुन्। राजनीतिमा पनि आफ्नो दरिलो उपस्थिति बनाएकी रेखा चलचित्र निर्माण र अभिनयमा फर्कन लागेकी हुन्। रेखा फिल्म्सको व्यानरमा अर्को एक चलचित्र बन्ने पनि चर्चा रहेको छ।
![](https://i0.wp.com/www.mnmnepal.com/wp-content/uploads/2023/01/rekha-thapa-pooja-sharma-shivam-adhikari.jpg?resize=720%2C540&quality=100&strip=all&ssl=1)
पूजा पछिल्लो पुस्ताकि चर्चामा रहेकी अभिनेत्री हुन्। पूजा शर्माको चर्चा ‘प्रेमगीत’ पछि कमि भएको छैन। दुई स्टारडम बोकेकी अभिनेत्रीको साथमा अर्की एक अभिनेत्रीलाई लिएर चलचित्रमा सहकार्यको तयारीमा रेखा र पूजा रहेका छन्। चलचित्रको कथा शिवम अधिकारिले लेखिरहेको बुझिएको छ । शिवम र वितरक करण क्रेजीले रेखा र पूजासंगको तस्विर शेयर गरेका छन्। यी दुवै रेखा र पूजासंग नजिक रहेका छन्।चलचित्रको सम्पूर्ण कुरा गोप्य राखिएको छ।