पैसा र पावरको लडाईमा ‘रङ्गेली’ टिजर

अर्जुन सुवेदीको लेखन तथा निर्देशनमा तयार भएको चलचित्र ‘रङ्गेली’ पहिलो टिजर सार्वजनिक गरिएको छ। सार्वजनिक टिजरमा चलचित्रका प्रमुख कलाकार दयाहाङ राई, अर्पण थापा र मिरुना मगरलाई प्रस्तुत गरिएको छ। पैसाले पावरमा पुगेर ‘रङ्गेली’ मा राज गर्ने भाव टिजरमा प्रस्तुत गरिएको छ।

अर्पण थापा र दयाहाङ राई बीचको टक्करमा सालिन मिरुनाको एक झलक टिजरमा प्रस्तुत गरिएको छ। संसार चौलागाई र रमेश भट्टराई निर्माता रहेको चलचित्रमा जितेन्द्र खतिवडा र अनोज जंग थापा कार्यकारी निर्माताको रुपमा रहेका छन्।