A vertical shot of the black cat in the dark darkness

महाशिवरात्रीमा थपियो ‘फेरि रेशम फिलिली’


महाशिवरात्रिमा नेपाली बक्स अफिसमा नेपाली चलचित्रहरुको महाभिडन्त हरेक वर्ष हुने गर्दछ। यो वर्षको शिवरात्री पनि नेपाली चलचित्र क्षेत्रको लागी प्रतिष्पर्धात्मक हुने भएको छ। ‘मायावी’, ‘लाज शरणम्’ र ‘होस्टेल ३’ गरी तीन चलचित्रले महाशिवरात्रीको समयलाई आफ्नो रिलिज मिति तय गरिसकेका छन्। अब यो मितिमा नयाँ चलचित्र थपिएको छ ।

फागुन १४ गते (महाशिवरात्रि) बाट चलचित्र ‘फेरि रेशम फिलिली’ प्रदर्शनमा आउने भएको छ। चलचित्रको पोष्टर सार्वजनिक गर्दै रिलिज मिति तय गरिएको हो। सार्वजनिक पोस्टरमा चलचित्रका मुख्य अभिनेता विनय श्रेष्ठ र अभिनेत्री सुपुष्पा भट्ट प्रस्तुत छन् । सार्वजनिक पोस्टरमा सुपुष्पाले मुस्कुराउँदै हातमा रातो गुलाब लिएकी छन् भने विनयले आकाशतिर हेर्दै हात जोडेका छन् । चलचित्रमा विनय र सुपुष्पासहित नीर शाह, कामेश्वर चौरासिया, प्रकाश घिमिरे, शिशिर वाङ्गदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतको अभिनय रहेको छ। रौनक बिक्रम कंडेलले निर्माण गरेको चलचित्रलाई निरोज महर्जनले निर्देशन गरेका छन्। चलचित्रको कार्यकारी निर्माता सुरज बम ठकुरी हुन्।

प्रतिक्रिया दिनुहोस्